منتدى الفرح المسيحى - النهاردة مش جاي أطلب جاي أقولك شكرا إنك مستحمل ضعفي

عزيزي الله، يمكن كلامي ليك المرة دي
مش مترتب ولا متظبط، بس هو اللي طالع من قلبي دلوقتي.
بقالي فترة مش عارف أفتح قلبي بالكلام،
بس كل يوم كنت ببص للسما وأقول في سري:
“إنت شايفني، مش كده؟”

النهاردة مش جاي أطلب …
جاي أقولك شكرا إنك مستحمل ضعفي
، وإنك لسه بتديني فرصة أبدأ من جديد.
أنا ساعات ببعد، وأنت طول الوقت قريب.
أنا ساعات بسكت او بعاتب او بتخانق، وأنت طول الوقت سامع.
أنا ساعات بضيّع وقتي، وأنت طول الوقت بتديني عمر جديد وبترتب ليا حياتي