منتدى الفرح المسيحى - مين يستاهل الرحمة

مين يستاهل الرحمة؟!
مرات كتير بنبقى فاكرين إن الرحمة
تتقدم للشخص اللي يستاهلها
طب ومين اللي يستاهلها؟ ممكن يكون الشخص الغير مذنب!

بس تخَيل إن الكتاب المقدس بيقول :
"لأَنَّ الْحُكْمَ هُوَ بِلاَ رَحْمَةٍ لِمَنْ لَمْ يَعْمَلْ رَحْمَةً،
وَالرَّحْمَةُ تَفْتَخِرُ عَلَى الْحُكْمِ"
يعني الشخص الوحيد اللي المفروض يتقدم له الرحمة،
هو الشخص اللي مايستحقهاش!
طب ومين اللي ماينفعش يترحم؟
الشخص اللي بيحكم على الآخرين ومش بيرحمهم!

فلو لسه حاسس أنه جواك أحكام كتير على ناس حواليك،
حط أساميهم قدام ربنا
وقوله: يارب أنا مش عايز أكون بحكم على أخواتي
، لكن أنا بختار أني أصليلهم برحمة وسلام
وأني أكون سبب في أنهم يتقَدم ليهم الرحمة ..أمين.
دورك كشخص في المسيح انك تعيش بنفس اسلوب حياه المسيح،
و تكون انت قناه للبركه و الرحمه في حياه اللي حواليك.