منتدى الفرح المسيحى - أنا جاي لك يا رب بصدق طفل

أنا جاي لك يا رب بصدق طفل
، مش بخجل أقولك إني طمّاع في خيرك…
طمّاع في رحمتك، في قدرتك، في حبك اللي ما بينتهيش.
نفسي أشوف بعيني كل حاجة بتتصلح،
كل باب مقفول بيتفتح، وكل وجع بيسيب سلام مكانه.

يا رب خلّي الوقت ده قريب…
قريب قوي، قبل ما قلوبنا تضعف أو أملنا يتكسر.
خلّي كل حاجة تبقى كويسة زي ما انت عارف
تدي وتدي فوق ما بنفتكر أو نتوقع.

أنا واثق إنك مش هتسيبني
، ولا هتتأخر عني، لأنك أبويا اللي شايفني وعارفني.