منتدى الفرح المسيحى - الراحة جزء من الطريق اللي يخليك تقدر تكمل

كل ما أجى أنام دماغي تشتغل..
= بتفكر في إيه؟
– في اللي ما عملتوش وفي كل اللي لسه متأخر فيه..
في اللحظة اللي المفروض تكون أهدى وقت في اليوم..
بييجي عقلك يفتح كشف حساب: "أنجزت قد إيه؟ خلصت إيه؟ إيه اللي وراك؟"..
وتلاقي نفسك بتدخل سباق وهمي مع الزمن قبل ما تنام..
الحقيقة إننا كبشر بنخلط كتير بين قيمتنا وإنجازنا..
كأننا من غير "To Do List متشطبة" ما نستحقش الراحة أو الحب أو حتى النوم..
لكن اللي محتاج تعرفه: أنت مش ماكينة إنتاج..
قيمتك مش بتتحدد بعدد الـ Tasks اللي خلصتها..
فيه أيام الإنجاز بيكون إنك اشتغلت جامد..
وأيام تانية الإنجاز الحقيقي بيكون إنك عرفت توقف
أو تاخد بالك من نفسك أو حتى تواجه مشاعرك..
جرّب قبل النوم تقول لنفسك: "
أنا أستحق الراحة حتى لو ما خلصتش كل حاجة"..
لأن الراحة مش جايزة بتتاخد بعد ما تخلص شغلك..
الراحة جزء من الطريق اللي يخليك تقدر تكمل..