منتدى الفرح المسيحى - ح تعيش زعلان طول عمرك

لو زعلت من كل صغيرة و كبيرة
ح تعيش زعلان على طول من كل الناس كل الوقت !!

و لو جيت عاتبت و لو بالراحة و بحكمة، اللي فيهم ح يجيبوه فيك ، ح يطلعوك انت الغلطان ، و يقلبوا عليك الترابيزة !!

و لو قررت تخاصم و تقاطع
، ح تعيش فى "بيت الزعل لوحدك" ،
مقموص ، مقاطع الكل ،
و لا حد ح يسأل فيك ، و ح تشرب نهر الحزن و الهم كله لوحدك !!

طيب : الحل تبقي من غير مشاعر ؟؟
لا طبعا..الحل انك تحسبها كويس
، و تشوف كمية خسايرك النفسية ، و "تبطل تزعل"
، و تسايس مشاعرك و توقف موجات العتاب
و الحساب و العقاب و العذاب !!
حاول ما تزعلش اصلا ، او لو زعلت ازعل لجوه
، اعذر ، فوت ، مشى امورك ،
و ما تصعبش علي نفسك و علي الناس الدنيا اكتر ما هي صعبة ..
و خللي بالك ، اللي ح تعمله ، ح يعمل فيك
؛ و القمص و الزعل مفيش اسهل منه !!

مش كده و لا ايه ؟،