منتدى الفرح المسيحى - خطوة صغيرة تحت قيادتك أحسن من ألف خطة من غيرك🙏💜

كتير بنبص ونسأل الناس ونحسب الخطط،
وبنضيع بين ألف "نصيحة" وصوت👀
لكن اللي فعلاً محتاجينه هو همسة واحدة من عنده:
وَأُذُنَاكَ تَسْمَعَانِ كَلِمَةً خَلْفَكَ قَائِلَةً:
«هذِهِ هِيَ الطَّرِيقُ. اسْلُكُوا فِيهَا. ( اشعيا ٣٠ : ٢١)

في بداية يومي باقولك،
مش عايز أبطل أفكر أو أخطط، لكني بقدّم لك كل حساباتي..
لو ده مش كلمتك، ما أمشيش فيه🙏
علمني إني لو حسيت براحة في قرار،
برضه أجي أطلب منك التأكيد،
لأن أي راحة بحس بيها بتبقي مش دايمًا صوتك👌

يا روح القدوس، علّم وداني تسمع همساتك،
ونقّي قلبي يميّز بين اللي أنا عايزه ومرتاحله
وبين مشيئتك واللي انت عايزه🙏
يارب أنا باعلن إن خطوة صغيرة تحت قيادتك
أحسن من ألف خطة من غيرك🙏💜