منتدى الفرح المسيحى - مستني اليوم اللي فيه عيني تتقابل معاك

https://upload.chjoy.com/uploads/173178458675691.jpg

يا رب مافيش أعظم من إن عيني تشوفك
. رؤياك هي المشهد الوحيد اللي يقدر يطمن القلب
ويشبع الروح. كل المناظر اللي في الدنيا مهما كانت جميلة،
تفضل ناقصة من غير حضورك.

رؤياك هي الحلم اللي بيتمنى الإنسان يعيش عشانه،
هي النقطة اللي فيها كل التعب يذوب
، وكل الدموع تتحول لسلام، وكل الانتظار يبقى له معنى.

يا رب، خليني أعيش عمري كله
وأنا مستني اليوم اللي فيه عيني تتقابل معاك،
وأعرف إن دي اللحظة اللي اتخلقت علشانها.