منتدى الفرح المسيحى - الناس دايما مقسومين نوعين

الناس نوعين
فيه واحد تجيب له كوباية مية يقولك "كتر الف خيرك ،
من ايدك زى العسل" حتي لو هو مش عطشان ..
وواحد تاني يقولك "المية سخنة شوية"
و يحرجك و يسيبها ما يشربهاش و لو من باب المجاملة ..
واحد تكلمه فى التليفون يقولك "قد ايه انا سعيد أنك افتكرتني"
وواحد تاني يقولك "جاي تكلمنى بعد ايه ، هو انت ماعندكش دقيقتين تسأل علي"
واحد في كل خلاف يقولك
"ها نحل الموضوع عشان كل الحلو اللي شوفته معاك"
، وواحد يقول "عمري ما شوفت يوم حلو معاك" !!
كده بقى الناس نوعين نوع
لو تقيدله صوابعك العشرة شمع بردو يشوفك مقصر ،
وعينه ما تشوفش إلا الوحش من كل حلو بيحصل .. وده النوع اللي بيكرهك فيه دايما .
و نوع عينه بتعرف تشوف الحلو اللي في كل موقف ويقدره
؛ فغصب عنك تبقى عاوز دايمًا تسعده
ولو تطول تجيبله نجوم السما و تحطها تحت رجليه ..
مش كده برضه ؟؟