منتدى الفرح المسيحى - اختار تمشي معاه هو اللي هيكملك الطريق

الدنيا مليانة خطوات…
بس أجمل خطوة هي اللي بتبدأ مع الله وتكمل معاه..
أخنوخ كان مختلف
في وسط جيل مليان شر، ومليان ناس بتعيش لنفسها
هو اختار طريق تاني..اختار أنه يمشي مع الله.
وسار أخنوخ مع الله، ولم يوجد، لأن الله أخذه.(تكوين 5: 24)
كل يوم خطوة × خطوة
لحد ما الطريق بقى أقرب للسماء من الأرض
وربنا يقولة "تعالى كمل معايا خطواتك فوق."
يمكن في نظر الناس، أخنوخ مش معروف.
لكن في نظر الله؟
ده الصديق اللي بيمشي جنبه.
مش لازم تبقى مشهور، ولا تبقى عندك أدوار كبيرة
كفاية تمشي معاه بصدق.تمشي وإنت لوحدك
وتمشي في الزحمة ..وتمشي لما الناس تبعد
وتمشي لو الظروف معاندة معاك
وتكمل المشي… حتى لو مش شايف الطريق كله
حتي لو مش فاهم .. حتي لو متلخبط
اختار تمشي معاه…
وصدقني،في الآخر…هو اللي هيكملك الطريق