منتدى الفرح المسيحى

https://upload.chjoy.com/uploads/175801270675791.jpg

هي الناس طريقتها في الكلام بقيت عاملة كده ليه ‼️

يعني ليه الغالبية بقي مسيطر عليهم إسلوب غريب
و طريقة كلام مايعلم بيها إلا ربنا 😏

صوت عالي ومفيش صبر ولا سمع و ألفاظ عجيبة بتتقال
ومفيش " رزانة " بـ جوز جنيهات حتي في الكلام

لا و الأغرب إن دا بقي دليل علي الشخصية الجامدة 😎

اللي هو إيه دا .. إنت سرسجي و إنت بتتكلم ؟؟😱😱
😀 Wooow يلا نبقي صحاب

و إيه كلمة ( ياسطا ) اللي بتحشروها كل جملة دي‼️

بص حبيبي🤦‍♂️ ،،،
عاوزك تبقي مقتنع تماماً
إنك لو لابس كويس💯
و ريحتك حلوة 💯وبتتكلم 9 لغات 💯
و طلعت القمر مرتين قبل كده 👏👏

وجيت وإنت بتتكلم … قولت ( ياسطا )
فإنت تحولت قدامي فجأة إلي قطعة " فسيخ "
محطوطة في علبة " قطيفة "
فاهم التخيل ؟؟؟ 💩

طبعا أنا عارف إن كلمة (ياسطا)
دي بقيت عادية جدا و إن في بلاوي تاني
و إنك لازم تعوج بؤك اليومين دول عشان سوقك يمشي🤮

بس يعني إيه بنات و ولاد و شباب وكبار وصغيريين ماشيين يقولوا لبعض ياسطا ؟؟؟

دا إيه دا ‼️
يعني مين مفهمكم إن دا مؤشر للجمدان
يعني عشان نفهم بس 😀

طاااب ياسطا
شكلك بيبقي مهـزّأ ياسطا .. و إنت بتقول ياسطا 🤝

محدش هايقدر يحترمك …
لو مش بتعرف تعدل لسانك وتتكلم كويس

و ماسمهاش أنا حر .. عشان بس الحجج المحفوظة 😏
طول ما إنت بتأذي غيرك بطريقتك .. ماتبقاش حر