منتدى الفرح المسيحى - خطواتى وراه أمان

https://upload.chjoy.com/uploads/175766742159311.jpg

طفلة صغيرة، شايلة مصباح نوره ضعيف
بينور قدامها لخطوات بسيطة بس..
لكن هي ماشية ورا خطوات كبيرة وثابتة، خطوات مليانة أمان💡

ساعات بنبقى قلقانين من الضلمة اللي حوالينا..
لكن الحقيقة إن الضمان مش في قوة النور اللي في إيدينا،
الضمان في مين اللي بنمشي وراه.✨️

إحنا مش مدعوين نعرف الطريق كله ولا التفاصيل كلها..🌌
إحنا مدعوين نعرف الشخص اللي قدامنا،
ومهما كان ضعفنا أو خوفنا،
في رجلين أعظم من أي عثرة، ماشية قدامنا وبتمهد لنا الطريق.
اتشجّع.. حتى لو نورك صغير، يكفي إنك ماشي وراه، ماشي ورا يسوع..💜

“سِراجٌ لِرِجلي كلامُكَ ونورٌ لِسَبيلي” (مز 119: 105)