منتدى الفرح المسيحى - ربنا بس هو اللي بيشوفك بعينه

أحيانًا تلاقي ناس بتبص عليك كأنهم حافظينك عن ظهر قلب،
يعرفوا شكلك، لبسك، وحتى طريقة ضحكتك…
لكن لما تيجي تتكلم من جواك،
تلاقيهم مش سامعين غير صدى صوتك،
أو لما تحاول تكتب عن نفسك قدامهم،
تلاقيهم مش قادرين يقرأوا ولا كلمة من سطورك
. يمكن يفتكروا إنهم عارفينك، لكن الحقيقة إنهم ما لمسوش أعماقك.
ربنا بس هو اللي بيشوفك بعينه، يسمعك بأذنه،
ويقرأ قلبك كأنه كتاب مفتوح.
هو الوحيد اللي يفهم صمتك قبل كلامك،
ودموعك قبل ما تنزل، وأفكارك قبل ما تتحول لكلمات.
وعلشان كده، مهما لقيت ناس حواليك
، حط رجاءك في اللي مش بس بيشوفك…
لكن بيشوفك ويفهمك ويحتويك.