منتدى الفرح المسيحى - ضمان مش مجهود

أنا بحاول أعمل خير بس هل ده كفاية؟
بساعد اللي أقدر عليه،
بحاول مازعّلش حد،
وبصلّي وقت ما أفتكر،
يعني باختصار مش وحشة.
بس ساعات بسأل نفسي:
هو ده يضمن مصيري؟
ولو الموضوع بالأعمال،
طب أنا مش دايمًا بقدر، بضعف، بتلخبط.
ولو كانت الأعمال كفاية،
كان كل واحد يفتخر بنفسه،
بس الحقيقة؟
أنا محتاجة أكتر من مجهودي.
اللي طمني إني فهمت إن الضمان مش في أنا عملت إيه،
لكن الله حبني، وكمل عني،
دفع تمن أنا ماقدرش أدفعه،
وده خلاني متطمنة وواثقة في مصيري.