منتدى الفرح المسيحى - ويادوب أتوب وروحي تحنّ إليك أطيب في طيب وأتحرك نواحيك

https://upload.chjoy.com/uploads/175708149488881.jpg

ويادوب أتوب وروحي تحنّ إليك
أطيب في طيب وأتحرك نواحيك
والفرحة تخليني أدوب..
.وأتجمَّع تاني فيك

أنا ما أقدرش أتحمِّل..
حياة وانا مش في رضاك
دي الدنيا وما فيها
لا تساوي لحظة معاك

أنا ما أقدرش أكمّل
من غير وَعد، وإيد
تسندني أعبر بيها
وتجيبني وأنا بعيد

انا ما أقدرش أطوّل
في الغربة ولا ف دار
أتغرب وأنا فيها
عن وجه الأنوار

انا ما أقدرش أحوّل
عيني عن طرف إيديك
أنا عبدك خدامك
وبَ أقبّل قدميك

انا ما اقدرش أغفّل
في رحلة طهر معاك
(عيني بمجدك فيها..
افتحها على ضياك)