منتدى الفرح المسيحى - السكينة مش رفاهية دي نعمة

مش دايمًا بنكون عايزين كتير،
ولا بندور على أضواء ولا نجاحات ضخمة…
أحيانًا كل اللي نفسنا فيه هو “سكينة”
سكينة تخلينا نعرف ننام وإحنا مطمنين،
ونصحى من غير وجع في القلب.
نفسنا لما نقصد حاجة،
نقرب منها وإحنا مرتاحين،
من غير حرب داخلية،
ولا أسئلة مالهاش إجابات.
السكينة مش رفاهية…
دي نعمة،
واللي يجرب العيش من غيرها،
يعرف إن أهدى الحاجات أغلى بكتير.
يا رب، عدي العمر علينا
وحط في كل خطوة لينا “سكينة”.