منتدى الفرح المسيحى - حتى لو اتكسرت في إيدك الكسر عمره ما بيضيع

https://upload.chjoy.com/uploads/175698639085351.jpg

عزيزي_الله
كنت فاكر دايمًا إن الحب الحقيقي معناه حماية من كل وجع..
وإنك لو بتحبني مش هتسمح لحد يجرحني..
وكنت كل مرة أنكسر أسألك: "ليه بتسيب ده يحصل؟"
لكن مع مرور الوقت فهمت..
إنك ماكنتش بتسيب الجرح من غير معنى..
بالعكس لقيت من نفس الأماكن اللي كنت بصرخ منها..
طلعت منى قوة جديدة..
ومن نفس الضعف اللي كرهته في نفسي..
خلتنى أتعلم حنان أكتر تجاه اللي بيتألموا زيي..
اكتشفت إن محبتك مش معناها غياب الألم..
محبتك معناها حضورك جوّه الألم..
وعشان كده النهاردة أقدر أقولك بثقة:
حتى لو اتكسرت في إيدك الكسر عمره ما بيضيع..