منتدى الفرح المسيحى - ايديني نورك يا رب عشان أفرّق بين خوفي وبين مشيئتك

يا يسوع
قدامي طرق كتير مقفولة ومش عارف ده من خوفي
ولا من حكمتك.
أوقات بخاف أتحرك، يمكن يكون الدافع جوايا بيقولي
مش هتقدر، ويمكن يكون ده صوتك اللي بيقوللي "استني".

ايديني نورك يا رب عشان أفرّق بين خوفي وبين مشيئتك.
خليني أبطل ألوم نفسي وأقسى عليها
، علّمني أحنّ عليها زي ما أنت بتطبطب عليا.
نفسي أعيش وانا ماسك إيدك،
بتقويني أخد خطوات مش ضعيفة ولا مترددة،
لكن خطوات مليانة ثقة فيك.

خليني أصدق إنك معايا في كل طريق،
وإن كل خطوة صغيرة في إيدك ممكن تبقى بداية لرحلة كبيرة.