منتدى الفرح المسيحى - اقبل التعديل علشان قلبك يبقي سهل وبسيط

مافيش قلوب صعبه التعديل
بس في قلوب رافضه التعديل ودي القلوب الاصعب
اللي بيعملوا مواقف وعارفين انهم بيتعبوك
اللي متأكدين ان ده هايجرحك بس بيعملوه
وبيظهرولك انهم مش واخدين بالهم
اللي بيكرروا نفس المواقف اللي بتوجعك كل مره
اللي عارفين طباعك بس بيدوسوا علي نقطه ضعفك
اللي بيحطوا مبررات لمواقفهم دايما
اللي مجهز ردود لانه عارف انك هاتتوجع
من اللي بيعمله علشان لما تيجي تقوله أنا اتوجعت منك
وتعاتبه يقولك كلام يقلب عليك الترابيزه
كل دول واكتر كمان قلوب رافضه التعديل
فدي قلوب صعبه وهاتفضل صعبه
اقبل التعديل علشان قلبك يبقي سهل وبسيط