منتدى الفرح المسيحى - الحرب دي مش بتاعتك دي بتاعته هو

في أوقات كتير بتحس إنك واقف لوحدك…
الحرب شديدة، والضغط أكبر من طاقتك، والعدو شكله منتصر.
وتقول لنفسك: "أنا مش قادر أكمّل…
أنا لوحدي في المعركة."
لكن صوت الرب لسه بيرن:
"المعركة ليست لكم بل لله."
يعني الحرب مش بتاعتك… النصر مش بقدرتك…
النتيجة مش في إيدك.
الله نفسه هو القائد، وهو اللي بيتقدّم الصفوف قبلك.
أنت مش مدعو تحارب بقوتك، لكن تدعوه وتثق إنه بيشتغل.
يمكن عينك مش شايفة غير السيوف والسهام…
لكن في السماء جيش كامل واقف يحارب عنك.
المعركة بتبقى تقيلة لما تحاول تشيلها على كتفك…
لكن لما تسيبها في إيده، تكتشف إن النصر مش بعيد.
ممكن تبان ضعيف، لكن وراك إله جبار في القتال.
فخليك ثابت، وصوت التسبيح يسبقك…
لأن الحرب دي مش بتاعتك، دي بتاعته هو.