منتدى الفرح المسيحى - لما تلاقي نفسك مش فاهم

لما تلاقي نفسك مش فاهم

لما بجي وقت تحصلك حاجات فى حياتك مش مفهومة :
ناس تسيبك من غير سبب ، شغل يتعطل ،
أحلام تختفي، ابواب تتقفل أمامك فجأة
و تحس ان حاجه نفسك فيها بتروح منك ..

ساعتها اعرف ان الله ح يكون معاك
و بجوارك في كل هذا الظلام ..
سيغلق افواه الاسود فى الجب اللى اُغلق عليك فيه ..
سيشق البحر اللي نزلت فيه
و سترى فرعون امامك يغرق بمركباته وجنوده
.. سيأمر الحوت اللي بلعك ان يصل بك لشاطىء النجاة
بعد أن علمك أن تصلي و تبني ايمانك ..
البير اللي اخواتك رموك فيه ح يخليك فى مكان احلي
وأعظم ومنصب عمرك ما حلمت بيه ..

كل حاجه بتحصل فى حياتك مقصودة ..
كل الحيرة اللي انت عايشها الان نهايتها فرحة
وخير اكبر مما تتخيل ..
اصبر واطمن : ربنا ح يفاجئك قريب لأنه يعلم ما يعمل جيدا ..

و صدقت الآية الخالدة : لَسْتَ تَعْلَمُ أَنْتَ الآنَ مَا أَنَا أَصْنَعُ،
وَلكِنَّكَ سَتَفْهَمُ فِيمَا بَعْدُ (يوحنا ١٣ :٧)