منتدى الفرح المسيحى - محتاجك تبقى أنت البداية والنهاية في كل حاجة

ليتقدس اسمك مش بس على لساني،
لكن جوا دماغي، وسط أفكاري اللي ساعات بتتلخبط وتضيع…
ليأتِ ملكوتك جوا قلبي، يملك عليّا ويهديني في وقت الحيرة…
لتكن مشيئتك حتى لو مش فاهمها، حتى لو مش ماشية على هوايا،
طالما هي جاية منك، يبقى أنا مطمن.

محتاجك يا رب، تكون جوّا عقلي تنوّرني،
وجوّا قلبي تعزّيني،
وجوّا حياتي تغيّرني وتستلم الدفّة…
محتاجك تبقى أنت البداية والنهاية في كل حاجة.