منتدى الفرح المسيحى - هييجي وقت يخفّ الحمل

أكتر حاجة بتوجع في الحياة مش الضربة،
ولا الفقد، ولا الخذلان حتى…
الوجع الحقيقي هو إنك تكون شايل روح تقيلة،
قلبك متكسر من جوه،
بس مجبور تلبس وش العادي… وتقول “أنا بخير”.
مجبور تضحك وسط الناس،
وترد على “عامل إيه؟” بـ “تمام الحمدلله”
وأنت من جواك بتتمنى حد يشوفك بجد،
حد يحس بيك من غير ما تتكلم.

بس صدقني، ربنا شايف…
شايف التقيل اللي جواك،
وسامع الصوت اللي مش طالع.
وهييجي وقت يخفّ الحمل،
وييجي سلام يطبطب على الروح اللي تعبت من التمثيل.