منتدى الفرح المسيحى - واحنا يا ربي من غيرك في العالم تعبانين

https://upload.chjoy.com/uploads/174983040987791.jpg

أنت قلت تعالوا يا جميع المتعبين
واحنا يا ربي من غيرك في العالم تعبانين
تعال إنت وريحنا فرح كل حزين
رجائنا يا ربي فيك مالناش غيركمعين

قلتلنا في العالم ضيق وإنت غلبت العالم
والقلب يا ربي بيضيق من الهموم والألم
دموع وبكاء وأنين صراع طول السنين
إنت تمسح لينا دموعنا إنت إلهنا الأمين
إنت قلت تعالوا يا جميع المتعبين

قلتلي لا تخف أنا ماسك بإيديك
والعالم كله تجارب إجذبني أنت إليك
إمسك أنت بإيدي أنت هو الطريق
سلمتلك حياتي احفظني من الضيق
انت قلت تعالوا يا جميع المتعبين

قلت سلامي اعطيكم سلام يسوع المسيح
سلامي أترك ليكم يشفي القلب الجريح
ده سلام العالم زايل مفيش يوم مريح
إدينا سلام من عندك ده وعدك لينا صريح
انت قلت تعالوا يا جميع المتعبين

أنت قلت أنا معاكم إلى دهر الدهور
انا معكم طول الأيام أحفظكم من الشرور
وفي نهاية الأيام ادينا نكون معاك
آمين تعال يا يسوع عايزين نسكن سماك