منتدى الفرح المسيحى - لو أنا لسه بحتاج ساعدني أحبك أكتر من احتياجاتي

https://upload.chjoy.com/uploads/174984322053911.jpg

قالولي إنك لما تكون معايا… مش هحتاج حاجة.
بس الحقيقة؟ أنا ساعات بحس إني لسه بحتاج…
بحتاج حضنك في الليل وأنا تايه،
بحتاج لمسة طبطبة لما الكل سايبني،
بحتاج أصدق إن وجودك فعلاً كفاية…

وأنا مش بنكر إنك معايا،
بس يمكن قلبي لسه بيتعلّم يكتفي،
لسه بيتعلم يشوف النعمة وسط النقص،
ويشوفك إنت… مش اللي ناقص.

يمكن اللي محتاجه إن عيني تتغير،
قلبي يتربّى… على الثقة مش على الطلب،
على الامتنان مش على الشكوى.

فـ يا رب، لو أنا لسه بحتاج…
ساعدني أحبك أكتر من احتياجاتي.
علّمني إني لما أملكك، أبطل أدوّر على حاجات تانية.