منتدى الفرح المسيحى - هدنة مع الحياة

أحيانًا بنحتاج نعمل هدنة مع الحياة…
مش هزيمة ولا انسحاب، لأ دي استراحة مُحارب..🤏

نهدى، نقفل الباب على نفسنا،
ونبعد عن دوشة التوقعات، ونقعد في صمت باختيارنا..

بقناعة جوانا إننا مش لازم نحارب كل حاجة،
وإن في معارك بتنهكنا أكتر ما بتفيدنا.👀

أحيانًا بيكون التوقف حكمة، وفي القبول والتكيّف راحة،
وفي الصمت والهدوء بداية جديدة.
لما نختار الهدنة مش معناه إننا ضعفنا…
لكن وعي إن الصمت والهدوء والسلام أقوى من أي صراع.✨️
لأَنَّهُ هكَذَا قَالَ السَّيِّدُ الرَّبُّ قُدُّوسُ إِسْرَائِيلَ: «بِالرُّجُوعِ وَالسُّكُونِ تَخْلُصُونَ. بِالْهُدُوءِ وَالطُّمَأْنِينَةِ تَكُونُ قُوَّتُكُمْ». فَلَمْ تَشَاءُوا." (إش 30: 15).