منتدى الفرح المسيحى - علمني أمشي خطوات إيمان ابراهيم

كان أصعب احساس وقت ما قرر يسيب بيت أبوه وأمه ..
مكان أرضه وعشيرته.. ومش ماشي بطوله .
. لأ..واخد مراته ومهاجر..
دي كانت أول خطوة صعبة..
وكانت الأيام بتثبت خطوات صعبة
كل يوم بتنمي إيمان أبونا إبراهيم اللي بقى أقرب لقلب الله
.. بقى صاحبه 😍😇
خليله اللي بيشاركه أسرار المستقبل ويوعده ويحكي معاه..

خطوات فصلت معاه في علاقته بلوط..
خطوات سندته قدام معاملات سارة وهاجر..
لكن كان في خط أبوة ماشي جنب خط الصداقة..
كأب بيهذب ويعلم ابنه إزاي بيثق فيه كل يوم
.. بيكبره ويقوي معدنه.. بيجهزه للخطوة الأصعب..

خطوات إيمانه ماكانتش
قفزات في ضلمة..
لكن كانت نور ثقة في قلب الله ضامن الوعد
.. رغم ضعفه كذا مرة من كدب
ومحاولات أرضية لإقامة نسل.. لكنننننننن ....
دي خطوات تعلمه تفاصيل قلب الآب..
خطوات بتعرفه قلب صديقه..
خطوات خلته يمشي الخطوة الأصعب على الإطلاق ..
يمشي باسحق للدبح وهو عارف أنه راجع بيه تاني..
وكأن كل خطوة إيمان وقتها كانت هي الأصعب ..
لكن حلاوة عشرة ابراهيم خلته ساب لنا طريق يحكي عنه بولس
ويقول يسلكون خطوات إيمان ابونا ابراهيم..

علمني أمشي خطوات إيمان ابراهيم...