منتدى الفرح المسيحى - استنى ربنا بإيمان مش بتوتر

مفيش حاجة بتحصل قبل أوانها،
ومفيش حاجة بتتأخر وهي جوه خطة الله.
لِكُلِّ شَيءٍ زَمانٌ… دي مش مجرد آية،
دي طمأنينة بتتقال لقلبك الملهوف
، ونور بيتسلّط على لحظاتك اللي حاسس فيها
إنك متأخر أو تايه أو مستني كتير.

اللي بتعيشه دلوقتي مش عشوائي،
واللي مأجله ربنا مش ناسيه.
في فوق حساباتك توقيت إلهي بيشتغل بدقة
، بيهيّأ، وبيجهّز، وبيختارلك الوقت اللي فرحته هتكون كاملة،
مش وقتك إنت اللي نصه استعجال ونصه قلق!

خلي بالك، ده مش وقت يأس، ده وقت زرع.
مش وقت انهيار، ده وقت تجهيز.
ومش معنى إنك مستني، إن مفيش حاجة بتحصل… لأ،
في السماوات شغل شغّال لأجلك،
لأن لكل أمر تحت السموات وقت.

استنى ربنا بإيمان، مش بتوتر.
وساعتها هتشوف إن الوقت اللي كنت فاكره تأخير…
كان أنسب وقت في السما.