منتدى الفرح المسيحى - عارف إنك بتقعد جمبى وأنا مجروح

عزيزي_الله
في جروح قديمة مش مجرد ذكريات..
دي جروح لسة ساكنة جوايا..
بضحك وببتسم قدام الناس..
وبحس إنها اتدفنت لكن أي موقف بسيط بيرجّعها كأنها لسه جديدة..
الحقيقة إنى بحاول أنساها أو أهرب منها..
بتظاهر إنها مش موجودة..
بس الحقيقة إن الهروب مش بيشفي..
أنت وحدك يا رب اللي تقدر تدخل للحتة الضلمة دى
اللي محدش قادر يوصلها..
قادر توصل للقلب اللي تعِب وللروح اللي اتكسرت..
كل مرة بحط أوجاعى قدامك..
وأقول لك: "خُدها"..وبتمنى إن الألم يخف شوية..
وإن السلام يتسلل للأماكن اللي كنت فاكرها ميّتة..

الشفاء عمره ما كان لحظة..هو رحلة..
لكن الرحلة معاك مختلفة..
لأني عارف إنك بتقعد جمبى وأنا مجروح..
بتيجي تلمسني بحنانك..وتحوّل الجرح لشهادة عن إيدك اللي بتشفي..