منتدى الفرح المسيحى - هناخد زماننا وزمن غيرنا

"يقولوا: هناخد زماننا وزمن غيرنا؟!" ⏳
جملة بتقولك عيش اللي بيقولهولك سنك،
والفرص ليها سقف، وماتحاولش تفكر
تعمل أي حاجة أكبر من طاقتك ..🕐

وفي الواقع ناس كتير في الكتاب فكرت التفكير دا..
زي سارة مثلًا، لما سمعت وعد الله بالنسل
وهي كبيرة في السن، ضحكت وقالت:
"أبعد فنائي يكون لي تنعّم، وسيدي قد شاخ؟" (تكوين 18: 12).
هي حسبتها بعقلها البشري، السن عدى، الزمن فات، القدرة خلصت.

لكن لما الإيمان عمل دوره ودخل المعادلة، اتقال عنها:
بِالإِيمَانِ سَارَةُ نَفْسُهَا أَيْضًا أَخَذَتْ قُدْرَةً عَلَى إِنْشَاءِ نَسْل،
وَبَعْدَ وَقْتِ السِّنِّ وَلَدَتْ، إِذْ حَسِبَتِ الَّذِي وَعَدَ صَادِقًا." (عب 11: 11).

بعد وقت السن ولدت لأنه ربنا حساباته لحياتنا غيرنا..✨️
مهما حسيت إنه عمرك بيضيع والوقت عدى ومافيش حاجة تعملها
قول زي كالب بن يفنة:
فَلَمْ أَزَلِ الْيَوْمَ مُتَشَدِّدًا كَمَا فِي يَوْمَ أَرْسَلَنِي مُوسَى.
كَمَا كَانَتْ قُوَّتِي حِينَئِذٍ، هكَذَا قُوَّتِي الآنَ لِلْحَرْبِ
وَلِلْخُرُوجِ وَلِلدُّخُولِ.》(يش 14: 11)💪
َتمسك بكلمة ربنا اللي فيك وخد زمنك
وزمن تحقيق مواعيد الله ليك مهما قالك الواقع أو زمن غيرك🤗