منتدى الفرح المسيحى - ابتسامة الحزين

ابتسامة الحزين

تكتشفها بسهولة ..

تلاقي فمه بس اللي بيضحك بالعافية
، لكن عينه دبلانة ، ملامحه مطفية و صوته مكتوم
، بيلاقي الكلام بالعافية ، نفسه مش مرتاح ،
و قبل ده كله روحه الحزينة فاضحاه ..

مش كل اللي بيبتسم او حتى بيضحك سعيد ..
فيه ناس مخبية اطنان من الوجع الدفين جوه ، جوه قوي ..

الناس الجميلة قوي دي مش عاوزة شفقة من حد ،
و لا عاوزة تحمل حد همها ،
او يمكن اتصدمت من ان ماحدش فاهمها او حاسس بيها ،
فقررت تضحك مع نفسها لنفسها ..

حنوا علي الناس ، و اشفقوا علي الكل ..
فالناس فى الدنيا نوعين : نوع حزينة
، و نوع بيداري حزنه ورا ضحكته ..