منتدى الفرح المسيحى - الإدراك المتأخر هو برضه هدية

أقسى الوجع مش في الموقف نفسه…
لكن في اللحظة اللي تدرك فيها الحقيقة بعد ما يكون الوقت فات.
تحس إنك كنت ماشي في طريق مظلم، ومجرد ما النور اشتغل
… اكتشفت كل العلامات اللي كانت بتقولك توقف
، بس أنت كنت غافل أو كنت بتطنش.
ساعتها بتشوف المشاهد قدامك كأنها فيلم…
وتقول: “ليه ما فهمتش من بدري؟ ليه ما سمعتش قلبي أو عقلي؟”
لكن برغم الألم، الإدراك المتأخر هو برضه هدية…
لأنه بيحميك من تكرار نفس الجرح،
وبيعلّمك تمشي بحذر أكتر
، حتى لو اتعلمت الدرس بعد ما دفعت الثمن