منتدى الفرح المسيحى - أنا الحرف اللي أنت كتبته بإيدك

https://upload.chjoy.com/uploads/17485092550561.jpg

عزيزى_الله
يمكن العالم بيشوفني خانة فـى جدول أو رقم في ملف..
يمكن اسمي يضيع وسط الزحمة
وصوتي يختفي وسط زحمة الحياة..
لكن معاك..
أنا الحرف اللي أنت كتبته بإيدك..
والملامح اللي حافظها حتى لو أنا نفسي نسيتها..
أنت اللي بتشوف الدمعة قبل ما تهرب من عيني..
وبتسمع التنهيدة وهي لسه فكرة جوا قلبي..
زي ما بتعدّ النجوم وتنادي كل واحدة باسمها..
أنت بتناديني مش كرقم لكن كابن محبوب..
معاك أنا مش مجرد واحد موجود وسط ناس كتيرة..
أنا مِلكك وابنك وحبيبك..