منتدى الفرح المسيحى - قانون الرفض

https://upload.chjoy.com/uploads/173962659215831.jpg

قانون_الرفض
أنا نازفة الدم..
كنت محرومة من أبسط حاجة: إني أكون موجودة وسط الناس..
نزفي حرمني من لمسة..من حضن..من نظرة احترام..
الشريعة شايفاني نجسة..
والناس شايفاني عبء..
عدّى عليا 12 سنة من الرفض المستمر..
ناس كتير كانت بتشوفني بس محدش كان "بيبصلي"..
بس في يوم قررت أمد إيدي وألمس هُدب توبه..
ولمّا لمسته الدنيا كلها وقفت..
كأنى للحظة انعزلت عن العالم الحقيقى..
زحمة حواليه؟ آه..بس هو حس بيا وسط الكل..
وبص وسأل: "مين لمسني؟"
كنت مرعوبة..بس هو ماوبخنيش..
قال لي: "إيمانك قد شفاكى اذهبي بسلام"..
أنا اللي اتقال عليّا "نجسة"..
بقيت دلوقتي بنت ليها مكان وسط الناس..
المسيح ما غيرش القانون لكن كسر دايرة الرفض..
أنا مش بس اتشفيت أنا اتقبلت..
أنا مش قصة حزينة..أنا قصة إيمان وحضن جديد..