منتدى الفرح المسيحى - قربك يا رب مش دايمًا بيهزني من برّة لكن دايمًا بيحضني من جوّة

https://upload.chjoy.com/uploads/172387236080051.jpg

عزيزي_الله
كنت زمان متخيل إن قربك منى بيترجم في المشاعر القوية اللى بحس بيها..
فى الدموع اللى بتنزل أو القلب اللى بيخبط بسرعة من الفرحة..
لكن مع الوقت فهمت إن القرب مش دايمًا صاخب..
أحيانًا بيجي في صورة هدوء غريب وسط الزحمة
أو سلام مش مفهوم وسط العاصفة..
هدوء بيخليني أنام وأنا مطمن رغم إن الظروف لسه زي ما هي..
هدوء بيخليني أبتسم من غير سبب واضح..
هدوء بيخليني أستنى واثق حتى لو ماعنديش أي مؤشرات إن الحل قريب..
عرفت إنك مش بس بتظهر في الصرخات والمعجزات..
لكن كمان في الصمت اللي بيلف قلبي
زي بطانية دافية في ليلة برد..
قربك يا رب مش دايمًا بيهزني من برّة لكن دايمًا بيحضني من جوّة..