منتدى الفرح المسيحى - على قد لحافك مد رجليك

المثل بيقول:
"على قد لحافك مد رجليك"... 🛏
عيش على قدك، ما تحلمش بأكتر من إمكانياتك!
منطق بيحسبها كويس، ويفضّل يمشي جنب الحيط.

فاكرين أرملة صرفة صيدون،
كانت خلاص جابت أخر لحافها...
وقالت لإيليا: هأَنَذَا أَقُشُّ عُودَيْنِ
لآتِيَ وَأَعْمَلَهُ لِي وَلابْنِي لِنَأْكُلَهُ ثُمَّ نَمُوتُ». (الملوك الأول ١٧: ١٢)
الست كانت فاكرة إن ده آخرها...
لكن إيليا قالها:
لأَنَّهُ هكَذَا قَالَ الرَّبُّ إِلهُ إِسْرَائِيلَ:
إِنَّ كُوَّارَ الدَّقِيقِ لاَ يَفْرُغُ، وَكُوزَ الزَّيْتِ لاَ يَنْقُصُ،
إِلَى الْيَوْمِ الَّذِي فِيهِ يُعْطِي الرَّبُّ مَطَرًا عَلَى وَجْهِ الأَرْضِ»
. (الملوك الأول ١٧: ١٤)

ولما صدّقت، اللحاف اتوسّع، والنعمة فتحت أبوابها🚪
عاشت هي وإيليا وابنها، والدقيق والزيت ما خلصوش.

ربنا مش بيشتغل على قد اللي في إيدك...
بيشتغل على قد غِناه اللي لا مابيخلصش.

عيش بحكمة... آه أكيد.👌
بس اوعى تربط رجليك بإمكانياتك.
اربطهم بوعد الله…
وساعتها حتى لو اللحاف قصير
، النعمة تكمّل، والبركة تكفي...💜
تيتة_قالتلي