منتدى الفرح المسيحى - مفيش دعوة راحت كل صرخة ليها ملف

https://upload.chjoy.com/uploads/172539864198481.jpg

إحنا أوقات بنفتكر إن السما ساكتة،
لكن الحقيقة إن ربنا دايمًا سامع، حتى في الصمت.
بنصرخ بألم، بندعي بدموع، بنسهر بقلق…
وهو هناك، بيحضّن وجعنا، وبيكتب بخط إيده توقيت الاستجابة.

ربنا مش بينسى،
ولا بيأجل عن ضعف،
هو بس بيستنى اللحظة اللي فيها الخير كامل،
والقلب مستعد،
والاستجابة تكون بركة مش مجرد راحة وقتية.

مفيش دعوة راحت…
كل صرخة ليها ملف،
وكل دمعة ليها ميعاد فرح،
وكل انتظار هيتحول لدهشة!

ثق إن اللي سامعك،
هيستجيب ليك، بس في توقيته هو…
وصدقني، توقيته دايمًا أجمل بكتير من استعجالك.