منتدى الفرح المسيحى - جوانا كل حاجة لسه فاكرة

رجعنا أغراب… مش لأن الود راح
، لكن لأن كل حاجة ما بقتش زي ما كانت.
بقينا بنعدّي على بعض كأننا ماكناش يوم أقرب ناس.
بس الغريب؟
إني وأنا ببص في عينيك، لسه شايف الحكايات…
شايف الضحك اللي كان، والونس اللي راح،
واللحظات اللي مش عايزة تتنسى.

الذكريات؟
لسه موجودة…
لسه بتحضر بينا، حتى وإحنا ساكتين.

يمكن رجعنا أغراب في الكلام، في السلام، في التفاصيل،
لكن جوانا… كل حاجة لسه فاكرة.