منتدى الفرح المسيحى - يوم ماتنساش رسالتك هايُشفي جرحك

لو كل واحد ادرك رسالته ايه في الدنيا هايعدي أيامه بسلام
ساعتها لما اللي حواليك يسبوك تبقي عارف
ان رسالتك انك ابقي مع الناس مش الناس اللي معاك
لما ماتلاقيش احتياجك ساعتها
تبقي عارف ان احتياجك الوحيد انك تعرف الناس طريق ربنا
لما ماتلاقيش عيله وناس وحبايب
وعزوه تعرف ان رسالتك تكون انت الاب للي مالوش اب
وأم للي مالوش ام
والصاحب للي مالوش صحاب
والاخ للي مالوش اخوات
ساعتها تصرخ لربنا وتقوله
(بس أنا لوحدي تماما وماليش حد وده من حقي
حتي احس ان في حد امين علي حياتي وقلبه يحتويني )
يرد عليك ويقولك (تكفيك نعمتي
نعمتي هي ابوك وامك وصاحبك وأخوك وحبيبك
نعمتي هي العزوه والأهل والأحباب
نعمتي هي سندك في وحدتك وإحساسك ومشاعرك
انت مخلوق انك تعمل للناس مش الناس تعملك
افتكر ان أنا جيت ( جاء ليخدم لا ليُخدم)
تكفيك نعمتي اللي تغرقك وهاتغرق الكل بيها
يوم ماتنساش رسالتك
هايُشفي جرحك