منتدى الفرح المسيحى - متبقاش شاهد صامت

الله عمره ما اختفى.
حتى في الأماكن اللي ما سمعوش فيها عن اسمه،كان بيعلنوا عن نفسه،
مَعَ أَنَّهُ لَمْ يَتْرُكْ نَفْسَهُ بِلاَ شَاهِدٍ، وَهُوَ يَفْعَلُ خَيْرًا:
يُعْطِينَا مِنَ السَّمَاءِ أَمْطَارًا وَأَزْمِنَةً مُثْمِرَةً، وَيَمْلأُ قُلُوبَنَا طَعَامًا وَسُرُورًا».
(أعمال الرسل ١٤: ١٧)
في الغيم والمطر،
في ضحكة طفل،
في مواسم الخير،
وفي لمسة حب حقيقية وسط عالم أناني.

الله دايمًا بيشهد لنفسه..
بيهمس للقلوب اللي بتدور، حتى لو ماعرفتش تدور عليه.
وبيفتح أبواب الرجاء في قلوب كانت شايفة بس الظلمة.

لكن دلوقتي…
في عهد النعمة، الشاهد مش بس الطبيعة.
الشاهد هو أنا… وإنت
الكنيس ة هي الشاهد الباقي!

مش بالشعارات، ولا بكلام كبير على السوشيال ميديا،
لكن بشهادة بتتكتب كل يوم…
في الأمانة، في نقاوة القلب،
في المحبة اللي مش بتصنّف الناس،
وفي الغفران اللي بيقرب مش بيبعد.

✋ ما تستهونش بوجودك.
في ناس مش هتقرأ إنجيل… غير في حياتك.
مش هتدخل كنيس ة… لكن هتشوفها في تصرفاتك.

فـ متبقاش شاهد صامت،
خلي حياتك تنطق بمين هو الله.
لأنك يمكن تكون آخر شاهد ربنا سايبه لناس قلبها بيدوّر… وبيستنى🙏