منتدى الفرح المسيحى - آهي عيشة وآخرتها موت

جملة بنقولها لما التعب يطول، والخسارة توجع..
“آهي عيشة وآخرتها موت!”
نصحى نشتغل، نتحمّل، نضحك بالعافية، نكمل…
وصوت جوانا يقول:
طب وبعدين؟
وآخرتها إيه؟
إنما في صوت تاني…
صوت أهدى، بس أصدق.
صوت بيقولك:
“أنا أتيت لتكون لهم حياة، ويكون لهم أفضل.” (يوحنا ١٠:١٠)
يسوع ما جاش علشان نعيش وخلاص…
جِه علشان يملانا بحياة ليها طعم..
حياة بتدي للوجع معنى ورجاء.
أنا بعيش علشان هو حيّ فيّ…
ولما حياتي تخلص، أنا رايحله… رايح للمجد!
فـ لو لسه شايف الدنيا “آهي عيشة وآخرتها موت”،
اعرف إن في واحد حبك، دفع فيك تمن الحياة..