منتدى الفرح المسيحى - كنت فاكر إنك بتظهر بس في الأوقات الكبيرة

https://upload.chjoy.com/uploads/174656302822531.jpg

عزيزي_الله
كنت فاكر إنك بتظهر بس في الأوقات الكبيرة..
في القرارات المصيرية وفي المعجزات الواضحة..
لكن اكتشفت إنك كنت جنبي طول الوقت..
في ضحكة صاحب في وسط يوم متكلكع..
في كلمة طبطبت على قلبي وأنا مش عارف أشرح اللي جوايا..
طبعًا الحياة فيها الحلو وفيها الوحش..
بس النهاردة واخد بالي من حاجات كتير تستحق الشكر:
الهدوء اللي دخل قلبي فجأة من غير سبب..
الرسالة اللي جتلي من شخص مكنتش متوقعه..
وحتى النفس اللي دخل وطلع وأنا مش واخد بالي..
يا رب أنا مش عايز معجزات كبيرة..
أنا عايز أفضل شايفك في الحاجات الصغيرة..
عايز قلبي يفضل فايق لوجودك مش بس لما أكون في أزمة..
لكن كمان وأنا ساكت وأنا بضحك وأنا بنام مرتاح..