منتدى الفرح المسيحى - عيد الرسل مش بس عيد للآباء الرسل

https://upload.chjoy.com/uploads/175232035104151.jpg

ليهم أسامي مختلفة وطباع مختلفة
كل واحد ليه طريقته في التعبير والكلام.
فيهم الصياد والعشّار والفيلسوف والبسيط والمدقق
لكن رغم اختلافهم اتجمعوا حوالين شخص واحد يسوع المسيح.

اختلفوا مع بعض شوية…
وساعدوا بعض كتير، واتناقشوا في أمور كثيرة…
لكن في النهاية كانوا بيروحوا بكل ما فيهم – بإمكانياتهم وضعفاتهم–
ويحطّوا نفسهم في إيدين أعظم فنان.

فكان يرسم بيهم أجمل لوحة…
كل واحد بلونه …بشكله.. بطريقته…
ويطوّع كل واحد للسكة الصح،
ويطلع منه أفضل ما عنده لأجل الخدمة والكرازة.

عيد الرسل مش بس عيد للآباء الرسل…
ده عيد لينا كلنا!
عيد نراجع فيه حساباتنا…
ما نبصّش على ضعفنا أو إمكانياتنا،
لكن نبص على إيد ربنا العاملة فينا ومعانا .

"لأَنَّنَا نَحْنُ عَمَلُهُ،" أف ٢