منتدى الفرح المسيحى - يا سندنا الحقيقي في زمن بيتهز فيه كل عمود كنا متكلين عليه

https://upload.chjoy.com/uploads/173334601180231.jpg

يا سندنا الحقيقي في زمن بيتهز فيه كل عمود كنا متكلين عليه،
يا عزنا لما كل حاجة حوالينا بتنهار،
يا أمانّا لما الوشوش بتتغير،
والمواقف بتفضح،
والكلام الحلو بيتحول لسكاكين.

بنشكرك،
لأنك فضلت معانا،
ماهربتش لما الناس مشيت،
ماسكتّش لما كنا بنبكي،
ماقفلتش ودنك لما كنا بنصرخ.

بنشكرك،
لأنك كنت السند الوحيد اللي ماوقعش،
الضهر اللي ما انحناش،
والحب اللي ما خلصش.

بنحبك،
ومكملين بيك،
لأن وجودك في حياتنا مش مجرد طمأنينة…
ده حياة تانية بالكامل.