منتدى الفرح المسيحى - انت اقوى بربنا ضد اى خطيه

"لأَنَّ الصِّدِّيقَ يَسْقُطُ سَبْعَ مَرَّاتٍ وَيَقُومُ،
أَمَّا الأَشْرَارُ فَيَعْثُرُونَ بِالشَّرِّ." (أم 24: 16).
https://upload.chjoy.com/uploads/175223279466441.jpg

أنت فاشل، تعرف ليه؟🙄🫣
عشان كل مرة مش بتحسبها صح❌
عدّيت أخطائك، ونسيت إنك عديت مراحل كتير
أصعب ونجحت فيها💪😊
بس الشيطان دايما بيحطك قدام خطيتك
ويظهرلك ضعفك علشان تفضل مستسلم وتشوف نفسك ضعيف 😣🥺
نسيت انك ممكن تغلب اى خطيه
وانك اقوى من اى غلط حاول دايما وباسم يسوع هتنتصر💪✝️
ساعات بنكون قاسين في الحكم على نفسنا، 🥺😣
نقع في غلطة أو اتنين، فننسى كل الصح اللي عملناه قبل كده،
نلوم نفسنا، وننسى إننا بشر، وإن الغلط مش نهاية الرحلة
.. ده جزء منها😊
وان ربنا دايما بيحبنا ومستنينا نرجعله
مهما كان عدد غلطاتنا وعدد اخطائنا🫂❤
مهما كنت فى نظر الناس وحش او مش مقبول بسبب غلطاتك عند ربنا شايف حربك ومبسوط بيها يا بطل😊🫂
شوف الصورة كاملة، مش جزء منها، أنت أحسن مما تتخيل ❤
انت اقوى بربنا ضد اى خطيه ❤🫂
وخليك دايما فاكر انك مش بتحارب بقوتك لوحدك انت
بتحارب بقوه صليب ربنا يسوع المسيح وبقوه دمه اللى سفكه عشانك وعشانى😊❤💪
أنا غلطت مرتين ✖️
أنا توبت ٢٠ مرة ✅