منتدى الفرح المسيحى

كتير مننا بيتمنى حياة خالية من التحديات ..
حياة هادية ومستقرة .. حياة طقسها معتدل
ولما تقلب على الوش التاني .. بنحاول نستخبى لحد ما تتعدل تاني لوحدها!!
النهارده عايز اقول لك انك لو ما واجهتش الريح مش هتعرف قوتك قد إيه
.. ولا طاقة احتمالك تقدر تروح بيك لحد فين.
فيه آية بتقول : اِحْسِبُوهُ كُلَّ فَرَحٍ يَا إِخْوَتِي حِينَمَا تَقَعُونَ فِي تَجَارِبَ مُتَنَوِّعَةٍ،
عَالِمِينَ أَنَّ امْتِحَانَ إِيمَانِكُمْ يُنْشِئُ صَبْرًا. (يعقوب ١ : ٢-٣)
يعني الكتاب المقدس مش بيشجعنا اننا استخبى
أو نواجه تقلبات الظروف والتجارب بخوف ويأس .. بالعكس .. بيقول لنا نفرح
.. عشان هانستفيد!
مش كل العواصف للدمار .. فيه عواصف بعد ما بتخلص
بتكتشف عن نفسك انك أقوى بكتير جداً من اللي كنت متخيله عن نفسك .
. فالمرة الجاية احسبها فرح ..
وماتستخباش .. فيه عواصف مفيدة!