منتدى الفرح المسيحى - يا ما جاب الغراب لأمه🐦‍⬛

يا ما جاب الغراب لأمه…🐦‍⬛
مثل بنقوله وإحنا بنضحك،
بس جواه وجع حقيقي…

وجع اللي حاول يفرّح، واترد عليه بسخرية.
اللي اجتهد، واتقال له: "هو ده اخرك كده؟"
اللي تعب من قلبه، واتسف عليه😪

ناس كتير عايشة إحساس "الغراب"…
كل اللي بيتقال لهم: " انه دا مش كفاية"

يسوع علّق على أرملة بسيطة جابت قرشين،
وقال:
وَأَمَّا هذِهِ فَمِنْ إِعْوَازِهَا أَلْقَتْ كُلَّ مَا عِنْدَهَا، كُلَّ مَعِيشَتِهَا .
. مرقس 12: 44
هو مابصش على اللي جابته…
بص على قلبها، على نيتها، على تعبها اللي ماحدش قدّره💜

فـ لو حسّيت إنك دايمًا بتعمل ومش كفاية!!
فكر نفسك:
انه حتى لو الناس ماشافتش…
فيه عين فوق شايفة🙏💜