منتدى الفرح المسيحى - أنا اللي هاكمل وأفضل جنبكم عادي لاني بحبكم

السيد المسيح في جثيماني لغي فكره جمله
( الاهتمام مابيتطلبش)
قالهم لا الاهتمام بيتطلب
أنا محتاج تسهروا معايا
أنا محتاج تسندوني
أنا محتاج الاقي حد واقف جنبي زي ما وقفت جنبه
أنا محتاج ماتسبونيش لوحدي
أنا مش بقول لحد شيل شلتي ولا احمل حملي
لا أنا رايح وقابل الجرح وكل حاجه
بس خليكم جنبي في الوقت اللي محتاجكم فيه
ماتناموش
فاكرين لما كنت نايم وصحتوني وقعدتوا تقولولي
(انت مش همك اللي احنا فيه المركب بتغرق) وصحيت وطمنتكوا
طب ماتطمنوني
أنا اللي بقولكوا(اصحوا انتوا مش هاممكم اني مجروح ومحتاج حد يسندني)
بس أنا طلبت منكم الاهتمام مش لأني ضعيف بس كنت عاوز احس انكم حاسين بس بيا
(ناموا الآن واستريحوا)
ابويا جالي طمني
ابويا بعتلي ملاك قالي ماتخافش
ابويا قالي صليب ويعدي وهاتقوم
مش محتاج وقفتكم جنبي
أنا اللي هاكمل وأفضل جنبكم عادي لاني بحبكم