منتدى الفرح المسيحى - فوق في السما في توقيت تاني

https://upload.chjoy.com/uploads/172392913128361.jpg

كل إيد ارتفعت للسماء بلجاجة، مكسورة أو مُنهكة،
ربنا شافها وسَمِعها.
الدمعة اللي نزلت وإنت بتقول “يارب”،
الأنّة اللي ما قدرتش تعبر عنها بكلام،
الوجع اللي اختنق جوا صدرك من غير ما توصفه،
كل ده ما راحش هدر.
يمكن تتأخر الاستجابة في عيونك،
بس فوق، في السما، في توقيت تاني،
وفي حكمة مش بنفهمها غير بعد ما نفرح ونقول:
“كنت فاكر اتأخرت.. بس اتضح إنك كنت بتجهزلي الأحسن.”
ارفع إيدك تاني،
وصلي تاني،
وصدق إنه “هيجي”،
وهيعوضك،
وهتشكر.