منتدى الفرح المسيحى - مش بطلب غير نظرة واحدة منك تغيّر كل شيء

https://upload.chjoy.com/uploads/173294315964211.jpg

بكل ما فيا من ارتباك وأمل متأخر،
بقف قدامك يا ربّ،
مش بطلب غير نظرة واحدة منك تغيّر كل شيء.
إنت ربّ المستحيل،
واللي الناس بتقفل عليه الأبواب،
إنت بتفتحه بكلمة،
بلمسة،
بغمضة عين.
يا ربّ، قلبي مليان حاجات ماحدش يقدر عليها غيرك.
أمنيات مكسورة، أبواب مقفولة،
وأوقات بحس إن الدنيا كلها ضدي.
بس في عزّ كل ده، لسه مؤمن إنك تقدر… وتقدر… وتقدر.
ربّ المستحيل، قادرٌ على المستحيل…
ويا ربّ، إني منتظرك… 💔🌤