منتدى الفرح المسيحى - يا يسوع ارحمنى واسندني أبدأ من جديد

https://upload.chjoy.com/uploads/172630365415491.jpg

يا إلهى..
بترحم الكل… حتى اللي مش بيطلب الرحمة..
وبتغفر، مش عشان نستاهل،
لكن عشان محبتك أكبر من كل خطية.

يا رب،
أنا واقف قدامك النهاردة
مش عشان أنا كويس،
لكن عشان قلبي تعبان، ونفسي أرجعلك.

رحمتك بتطمني…
إنك مش قاسي، ولا بتحكم بسرعة،
لكن بتصبر… وتنتظرني… وتشتاق لتوبتي.

يا يسوع،
ارحمني…
واسندني أبدأ من جديد،
واملا قلبي برجاء،
إني مهما بعدت، ليّا مكان في حضنك.